Шест месеци чекал благослов: Се сврши синот на Балашевиќ

Алекса Балашевиќ, кој е продуцент и син на Ѓорѓе и Оливера Балашевиќ, конечно се сврши со својата девојка Николина, во Израел.

Тој е во долгогодишна врска со неа, но не ја експонирал во јавноста. Дозвола за свршувачката побарал од Ерусалимската патријаршија и во Назарет, во манастирот Св. Николај маченик, а веридбата ја официјализирал епископот Романос.

За да дојде до ова, морал да заврши повеќе црковни обврски, а сега се чека и благословот за светото венчавање. Тој смета дека не погрешил што го поминал тој пат, иако денеска младите не обрнуваат многу внимание на црковниот благослов.