Градоначалникот на Скопје, Петре Шилегов на својот Фејсбук профил сподели дека се отстранети фундаментите за панорамското тркало.
„Тргнати фундаментите за панорамското тркало. Мостот не е во барок. Коритото на Вардар чисто и проточно“, напиша Шилегов.
Речиси пред две години Советот на Град Скопје донесе одлука да се прекине изградбата на придружната содржина-панорамско тркало, во коритото на река Вардар, на кеј Димитар Влахов.
Пари за изградбата на панорамското тркало, како донација, даваа ЈСП Скопје и Агенцијата за електронски комуникации.
Во јуни 2017-та со одлука на Владата беше стопирано донирањето пари за овој проект.
Советот пред месец дена пак, донесе одлука за проектирање на нов забавен парк, а во чиј состав ќе биде проектирано и панорамско тркало.
– Панорамското тркало ќе биде многу поевтино од тоа што требаше да се гради во Вардар, рече тогаш Никола Гаџовски, раководител за сектор за урбанизам.