Градоначалникот на Скопје, Петре Шилегов за емисијата „Само вистина“ изјави дека Универзалната има габаритна културна меморија, не само за градот, туку и за целата држава. Според него, тука е местото каде што се создала современата македонска култура.
„Одлуката за судбината на Универзална ги преминува границите на овластувањата на еден градоначалник и таа не може да биде одлука на еден човек. Цела држава и општество мора да донесат заедничка одлука“, смета Шилегов.
Тој објави дека некаде околу 2010-2011 година, на логичната градежна парцела на Универзална сала, што е од улицата „Партизански одреди“ до уличката кај Универзална, тогашната власт во Општина Центар и денешна опозиција, со ДУП-от за Буњаковец, одлучила да гради хотели, кафулиња и катни гаражи.
„Ако не успееме со стручната јавност, да го најдеме оптималното решение, тогаш е легитимно да имаме референдум“, вели Шилегов.