Шкотскиот премиер Никола Старџен изрази надеж дека Шкотска ќе стане независна и повторно ќе се приклучи на Европската унија, потсетувајќи дека Шкотланѓаните не го сакаат „Брегзит“, за што гласаа против на референдумот во 2016 година. По Брегзит, „нашите граѓани ќе бидат помалку безбедни и ќе им биде ограничено правото на работа, студирање и живеење на друго место во Европа“, рече шкотскиот премиер, потсетувајќи дека 2.000 Шкотланѓани учествувале во програмата за размена на универзитетите „Еразмус“ на ЕУ минатата година. Владата на Британија се откажа од неа и ја замени со своја меѓународна програма.
„Сега поминуваме низ тежок „Брегзит“ против наша волја, во најлош можен момент, среде пандемија и рецесија“, коментира Старџен на својата веб-страница на СНП, која ја поддржува независноста на Шкотска, два дена по конечното излегување на Велика Британија од Европската унија.
Таа ја повтори својата решителност да организира нов референдум за независност на Шкотска, откако првиот таков обид не успеа во 2014 година, бидејќи 55 проценти од Шкотланѓаните гласаа против.
Сепак, одлуката за организирање референдум е на британскиот премиер Борис Џонсон и тој одлучно го отфрла.
Доколку СНП извојува голема победа на локалните избори во мај, тоа ќе го зголеми притисокот врз Лондон да се согласи на нов референдум.
Според најновата анкета на јавното мислење спроведена од институтот „Savanta ComRes“ за „The Scotsman“ во средината на декември, 58 проценти од Шкотланѓаните го поддржуваат разделувањето со Велика Британија како никогаш порано.
На референдумот во 2016 година, 62 проценти од Шкотланѓаните беа против напуштање на Европската унија, додека 51,9 проценти од граѓаните на Велика Британија ја поддржаа разделбата.
Премиерот рече дека Шкотска има корист од единствениот пазар, вклучително и слободата на движење, за скоро 50 години членство во ЕУ.
„Повеќе од 230.000 луѓе од цела Европа ја избраа Шкотска за свој дом. Тие се наши пријатели и семејство, и ние навистина сакаме тие да останат така“, истакна таа.
„По Брегзит, нашите граѓани ќе бидат помалку безбедни и ќе им биде ограничено правото на работа, студирање и живеење на друго место во Европа“, рече шкотскиот премиер.
„Не сакавме да заминеме и се надеваме дека ќе се придружиме наскоро како рамноправни партнери“, рече шкотскиот премиер Никола Старџен.