Американската актерка Шерон Стоун (63) напиша книга со мемоари наречена „The Beauty Of Living Twice“ во која тврди дека нејзината сестра Кели и таа биле сексуално злоставувани од нивниот дедо кога биле девојчиња.
Имено, актерката изјави дека нејзината мајка Дороти не сакала таа и нејзината сестра да зборуваат јавно за злоставувањето.
– Кели и јас разговаравме со мајка ми за тоа, и по разговорот ми напиша писмо во кое ми рече дека е многу збунета. Таа беше згрозена од откритието. Сепак, откако разговараше со сестра ми, таа почна да прифаќа дека тоа навистина се случило – вели Шерон.
– Мајка ми се согласи отворено да разговара за сè со мене кога и прочитав делови од моите мемоари. Таа беше со мене неколку дена кога се опоравував од грипот, легна покрај мене во кревет додека ја завршив книгата. После отворен разговор кој траеше час и половина, променив некои делови од книгата, кои потоа и ги посветив на неа – вели актерката.
Стоун вели дека решила да ги напише своите мемоари по мозочниот удар што го претрпела. Таа вели дека пишувањето било ослободувачко искуство.