Шолц: Германија нема да ги повтори грешките со Русија во Кина

Германија нема да ги повтори грешките со Русија во Кина и веќе ја диверзифицира својата трговија, изјави денеска канцеларот Олаф Шолц.

Говорејќи на економски форум организиран од весникот Цајтунг, Шолц, по разговорот со претставници на германската индустрија, изрази уверување дека компаниите градат врски со други пазари и се подготвуваат за мултиполарен свет, објави Ројтерс.

„Грешката на зависност како со Русија нема да се повтори“, рече Шолц, мислејќи на децениското потпирање на Германија од снабдувањето со енергија од Русија.