Шолц: За мир и слобода во Европа е неопходно непречено производство на оружје

Кога ги координираат своите одлуки за Украина, Берлин и Вашингтон водат грижа НАТО да не стане страна во конфликтот, изјави германскиот канцелар Олаф Шолц, говорејќи во Бундестагот. Тој исто така додаде дека за мир и слобода во Европа е неопходно непречено производство на оружје.

„Пред да донесеме било која наша одлука, водиме грижа НАТО да не стане страна во конфликтот. Претседателот на САД и јас се согласуваме по оваа точка. Со цел да ја продолжиме нашата блиска соработка, денеска патувам за Вашингтон на разговор со Џозеф Бајден“, рече Шолц, читајќи го владиниот извештај насловен „Година на пробив на нова ера – зајакнување на безбедноста на Германија и нејзините сојузници, поддршка за Украина“.