Шоле апелираше до Курти: Приштина да го прифати предлогот за нормализација на односите

од Radmila Tasevska

Високиот советник на Стејт департментот Дерек Шоле објави дека разговарал со премиерот на привремените институции на Приштина Аљбин Курти за предлогот на ЕУ за нормализација на односите меѓу Белград и Приштина и апелирал Приштина да го прифати.

„Клучната тема беше нашето партнерство и заедничката цел за подобрување на европската и евроатлантската интеграција на Косово“, напиша Шоле на Твитер.

Тој додава дека со Курти разговарал и за важноста на мултиетничкиот карактер на Косово и напредокот на дијалогот за формирање на Заедницата на српските општини, како и потребата од претставниците на Србите од северот на Косово, кои ги напуштија привремените приштински институции поради прекршување на Бриселскиот договор, за да се вратат на своите места.

Слични содржини