Швајцарија ја прошири забраната за трансакции на филијалата на руската Сбербанк

Швајцарската агенција за надзор на финансискиот пазар ФИНМА денеска ја продолжи забраната за швајцарската филијала на руската Сбербанк да врши плаќања и трансакции до август, а ги продолжи и другите мерки наменети за заштита на доверителите.

„Мерките ќе останат во сила до 2 август 2022 година, поради построгите меѓународни санкции и континуираните ризици во однос на состојбата со ликвидноста на банката“, објави ФИНМА, пренесe Ројтерс.

ФИНМА воведе мерки во швајцарската филијала на Сбербанк на 4 март по рускиот напад врз Украина, што доведе до воведување на бројни западни санкции против Москва.