334
Швајцарската амбасада во Македонија информираше дека Противпожарната единица во Велес денеска е опремена со ново специјализирано возило за зајакнување на капацитетите на Велес и другите општини од регионот, како одговор на непогоди предизвикани од пожари.
-Ова возило е финансирано во рамките на швајцарскиот проект „Зајакнување на општинските совети“ што го спроведува UNDP во тесно партнерство со општината, соопштија од амбасадата.
Градоначалникот на Велес, Марко Колев изрази голема чест и задоволство за овој проект.
-Го заокруживме проектот со донација на ново теренско возило за потребите на противпожарната територијална единица која верувам дека ќе биде од голема корист особено за тесните улички низ градот, вели Колев.