Новата шведска влада е принудена да носи непопуларни одлуки. Една од нив секако се однесува на популаризацијата на електричните автомобили. Имено, според владината одлука, се укинуваат субвенциите познати како климатски бонус кои се однесуваат на набавка на нови електрични автомобили, како и хибриди на полнење (PHEV).
Објаснување понуди и Владата. Велат дека цената и трошокот за сопственост се споредливи со автомобилите на бензин и дизел, па затоа „државната субвенција за нивно воведување на пазарот веќе не е оправдана“, пренесе Index.
Бидејќи климатскиот бонус во Шведска се плаќа не порано од шест месеци по регистрирањето на автомобилот, јасно е дека бонусот ќе се исплати веќе во 2023 година. Во исто време, владата посочува дека автомобилите компатибилни со бонус веќе сочинуваат околу половина од пазарот на нови возила.
Сите купувачи на нови автомобили кои испуштаат помалку од 60 g CO2/km имаа право на климатски бонус. Од 1 јануари таа граница паѓа на 30 g CO2/100 km.
За електричните автомобили купени пред 8 ноември, од 1 јануари 2023 година ќе се плаќа максимален бонус од 50.000 SEK или 4.600 евра или 10.000 SEK или 920 евра за plug-in хибриди. Истиот бонус е предвиден и за возила со плинска инсталација. „Malus“, односно дополнителните давачки за возила со зголемени емисии на CO2, остануваат непроменети.
Да потсетиме, Швеѓаните веќе еднаш ги замрзнаа исплатите на бонус, откако до август минатата година беа потрошени целата сума од 300 милиони евра наменети за исплата на климатски бонус.