Шведско воено разузнавање: Русија претставува јасна воена закана во непосредна близина на Шведска

Шефот на шведската воена разузнавачка и безбедносна служба (MUST), Лена Халин, денеска изјави дека Русија претставува јасна воена закана во непосредна близина на Шведска, но дека нејзините сили во голема мера се поврзани со војната во Украина.

Таа изјави дека очекува Русија да ги зајакне своите воени капацитети во непосредна близина на Шведска кога тоа е можно, како одговор на поднесувањето на барањата на Шведска и Финска за членство во НАТО.

„Европскиот безбедносен поредок каков што го знаеме престана да постои… А со тоа се зголемија и ризиците за шведската безбедност“, рече Халин.