Шведската европратеничка Абир Ал-Сахлани, која е родена во Ирак, си ја отсече косата на говорницата на Европскиот парламент во знак на солидарност со антивладините демонстрации во Иран, кои беа предизвикани откако Махса Амини (22) почина во полициски притвор.
„Сѐ додека Иран не се ослободи, нашиот гнев ќе биде посилен од гневот на оние кои вршат репресија. Се додека Иранките не се слободни, ние ќе бидеме со вас“, рече Сахани пред претседателот на парламентот во Стразбур, пренесуваат медиумите.
Потоа зела ножици, на курдски јазик изјавила „жена, живот, слобода“ и ја отсекла косата врзана во опавче.
Member of the European Parliament, Abir Al-Sahlani: "Until the women of Iran are free, we are going to stand with you; JIN, JIAN, AZADΔ
Day 19 of #IranProtests2022 | #MahsaAmini | Kurdistan, Sanandaj | 5 October 2022.#IranRevolution pic.twitter.com/PDfa8xSGaO
— Kaveh Ghoreishi (@KavehGhoreishi) October 5, 2022
Познати француски актерки, меѓу кои и Жулиет Бинош и Изабел Ипер, исто така си ја отсекоа косата во знак на протест поради смртта на Амини, која беше уапсена во Техеран на 13 септември поради носење „несоодветна облека“.
Иранските верски лидери се соочија со протести низ целата земја по нејзината смрт, а демонстрации се одржаа и во Лондон, Париз, Рим и Мадрид во знак на солидарност со иранските демонстранти.