Актуелно
Почетна / (не)Секојдневно / Симбол на надеж за постарите: 95-годишна Италијанка потполно се опорави од коронавирусот

Симбол на надеж за постарите: 95-годишна Италијанка потполно се опорави од коронавирусот

Алма Клара Корсини со своите 95 години стана најстарата Италијанка која го победи коронавирусот и стана симбол на надеж за илјадници заразени во Италија, пред се оние старите.

Жената од Модена отишла во болница на 5 март веднаш откако ги почувствувала симптомите. Медицинскиот персонал вели дека телото на пензионерката покажало голема отпорност, а старицата за новинарите рекла дека се чувствува добро.

Докторите и специјалистите во болницата ја лекувале старицата до минатата недела, кога потполно се опоравила без „антивирусна терапија“, а британскиот Телеграф пренесува дека бабата во меѓувреме била отпуштена од болница и вратена во старечкиот дом во кој живее.

Минатата недела 97-годишен маж, за кој се верува дека е најстариот Италијанец кој го преживеал ковид-19, се вратил во старскиот дом откако две недели бил во болница.

loading...