Пченкарниот гриз или палента одамна е незаменлив оброк за многу семејства од овие простори.
Се служеше како појадок, вечера, но и како прилог на главното јадење за ручек и се сметаше за брз и здрав оброк.
Ова е поткрепено со изреката што многу луѓе ја знаат денес: „Треба да јадеш многу гриз за да пораснеш…“ Омилениот оброк на нашите баби лесно се подготвува и со додавање на домашен јогурт, крем, урда, јајца и сланина, може да се претвори од „сиромашно јадење“ во вистинско гурманско уживање додека да трепнете.
Освен вкусот и леснотијата на приготвување за само неколку минути, пченкарното брашно денес треба многу почесто да се наоѓа на менито. Станува збор за храна која не содржи глутен и е нискокалорична, па затоа е одличен избор за оние кои имаат дигестивни проблеми, но и за децата.
Содржи 75 проценти јаглехидрати, нешто протеини (8 до 10 проценти) и траги од масти. Со јадење палента во порција со големина на рака, внесуваме околу 200 kcal.
Палентата може да се користи како заменски оброк кога сакаме да го зголемиме изборот на користење јаглехидрати и успешно ги заменува компирите, оризот, тестенините и е квалитетен додаток во дневниот состав на менито.
За вегетаријанците се препорачува употреба на палента со сирење и млечни производи или сосови од соја за да се добие комплетен „сет“ есенцијални и несуштински аминокиселини со овој оброк.
Палентата е богата и со диетални влакна, а нејзините благотворни ефекти се поврзуваат со здравјето на кардиоваскуларниот систем, спречување на канцерогени и вирусни заболувања и богатството со витамин Б1, поради што поволно делува на когнитивните функции.
Содржи бета каротен, провитамин А и е одличен извор на тиамин (витамин Б1).
Покрај тоа, содржи многу други витамини и минерали, вклучувајќи витамин Б5, фолна киселина, ниацин, витамин Ц, фосфор, калиум и магнезиум.
Палентата е и првиот избор на храна доколку сакате да ги исчистите цревата на природен начин. Покрај тоа што многу заситува, таа има и неутрален вкус, па едноставно се комбинира со речиси сите други вкусови и освен за појадок или вечера, може да послужи како одличен прилог со секое друго јадење; риба, спанаќ, зеленчук на скара итн.