Лековите против маларија се покажаа како ефикасни во лекувањето на инфекцијата предизвикана од коронавирусот, но не и 100 проценти, изјави денеска рускиот министер за здравство, Михаил Мурашко.
„Лековите против маларија се покажаа како доста ефикасни, но тие не се лекови кои го спасуваат животот во сите ситуации“, рече Мурашко во интервју за руската телевизија „Канал Еден“.
Според рускиот министер за здравство, разработени се неколку режими за примена на овие лекови и други антивирусни лекови, јави ТАС С.
„Во тек се лабораториски истражувања за да се утврди кој од овие лекови може да ја запрат репродукцијата“, рече Мурашко.
Тој посочи дека овие лекови можат да се земат само под медицински надзор, дека се токсични и не можат да се конзумираат во превентивни цели.