НЕВЕРОЈАТНА вест се појави пред почетокот на Светското првенство. Имено, постои голема тензија откако се појавија обвинувања дека е наместен првиот натпревар меѓу Катар и Еквадор.
Познатиот новинар Ахџад Таха, кој работи за британскиот „ИТВ“ и е регионален директор на „Британскиот центар за Блискиот Исток“, тврди дека домаќинот на најголемиот спортски форум подмитил осум јужноамерикански фудбалери за да го загубат натпреварот.
Exclusive: Qatar bribed eight Ecuadorian players $7.4 million to lose the opener(1-0 ⚽️ 2nd half). Five Qatari and #Ecadour insiders confirmed this.We hope it's false. We hope sharing this will affect the outcome.The world should oppose FIFA corruption.@MailSport #WorldCup2022
— Amjad Taha أمجد طه (@amjadt25) November 17, 2022
Наводно дале 7.400.000 долари за да загубат играчите на Еквадор со 1:0 со примен гол во второто полувреме!
За сето ова на конференцијата беше прашан селекторот на Катар, Феликс Санчез. Секако, шпанскиот стручњак остро демантираше се.
– Циркулираат многу дезинформации. Интернетот е брилијантна алатка, но може да биде и опасна. Со години се подготвуваме и тренираме. Обединети сме, силни сме, никој не може да не дестабилизира. Не сме засегнати од овие критики – изјави Санчез.
Да потсетиме, натпреварот Катар – Еквадор се игра денеска од 17 часот и со тој дуел ќе започне Светското првенство.