Кошаркарите на Барселона беа поразени од Анадолу Ефес 86:79 во мечот од 16-то коло во Евролигата, но не ги загубија единствено бодовите.
Според новинарот на „Еурохупс“, Никос Варлас, Барселона не му дозволила на плејмејкерот Томас Ертел да се качи во авионот и заедно со тимот да се врати во Каталонија.
Barcelona didn't let Thomas Heurtel to travel back home with the team. He is staying in Istanbul.
— Varlas Nikos (@nikosvarlas) December 22, 2020
Причина? Ертел треба да го засили Реал Мадрид!
Thomas Heurtel was expected to join Fenerbahce once free agent from Barcelona but his real destination would have been Real Madrid…something Barça was not aware https://t.co/aStdqxKgpQ
— Emiliano Carchia (@Carchia) December 22, 2020
Претходните денови Ертел беше споменуван како дел од големата „трампа“ меѓу Фенербахче и Барселона, но кратко потоа се појави информација дека Французинот е всушност желба на Реал Мадрид, по што Каталонците го казнија, па Ертел ќе мора да се врати од Турција на друг начин.
Тој патувал во Турција со тимот, но не бил во составот против Ефес, па сигурно е дека е прашање на денови кога ќе заврши соработката.
Ертел е во Барселона од 2017 година, а претходно играше и за Анадолу Ефес, Басконија, По Ортез…