Скубе: На лето ќе го напуштам Скопје

од Aleksandar Petrovski

Уште еден ракометар од шампионската генерација на РК Вардар најави дека од следната сезона нема да биде дел од „црвено-црниот“ тим. Скубе повеќе нема да го носи дресот на Вардар и е уште еден во низата што ја завршува авантурата во Скопје.

Самиот Скубе на својот Инстаграм профил го најави заминувањето, каде напиша:

„Има само неколку добри спомени, но ова беше повеќе од тоа. Горд сум што го носев дресот на Вардар две години и горд сум на сето она што го постигнавме во последниов период! Секако, освојувањето на Лигата на шампионите минатата година беше еден од најдобрите денови во мојот живот! Би сакал да им се заблагодарам на соиграчите, фановите и луѓето што ни даваа поддршка. Му посакувам сè најдобро на Вардар и се надевам дека во иднина клубот ќе остане на нивото кое го заслужува. На лето ќе го напуштам Скопје, но сигурен сум дека нашите патишта ќе се сретнат повторно. Вистинската љубов е навиката да се враќаш. Еден живот, една љубов“ , напиша Скубе.

Слични содржини