Фантастичен леден десерт за топлите летни денови.
Состојки:
– 450 гр бобинки (јагоди, капини, малини)
– 150 гр шеќер
– 375 мл суво црвено вино
– 15 мл балсамико оцет
– 1 лажичка екстракт од ванила
– прстофат сол
Подготовка:
Во поголемо тенџере ставете ги сите состојки.
По желба исецкајте го овошјето на помали парчиња.
Гответе на умерена температура и мешајте додека не се раствори шеќерот и омекне овошјето, околу десет минути.
Извадете го тенџерето од шпорет и оставете да се излади на собна температура.
Кога ќе се излади, состојките ставете ги во блендер и сомелете ги во мазна маса.
Се става во сад кој може да се стави во замрзнувач и се остава преку ноќ убаво да се стегне.
Сладолед послужете го во чаши или стаклени тегли. Украсете со изматена слатка павлака посипана со цимет или по желба.
Вкусот е фантастичен и без декорација.