Словачка е убедена дека сите 30 сојузници на НАТО ќе ги поддржат плановите на Финска и Шведска за приклучување кон алијансата, изјави денеска словачкиот министер за надворешни работи Иван Корчок.
„Словачка е апсолутно подготвена да го разгледа ова барање и да го поддржи членството на овие две земји“, изјави тој за новинарите по пристигнувањето во Берлин на средба со колегите од НАТО, пренесе Ројтерс.
Иван Корчок повика на дополнителна воена помош за Украина во војната против Русија.
Запрашан колку долго сојузниците на НАТО би можеле да ја поддржуваат Украина, тој рече: „Додека не победат“.