Словенечките угостители, кои не работат од октомври поради мерките против пандемијата на ковид 19, во отворено писмо до владата побараа брзи решенија за спас на оваа активност, и најавија можност за тужби против владата поради нејасни регулативи за време на епидемијата.
Во писмото до премиерот Јанез Јанша и министерот за туризам Здравко Поцивалшек, тие предупредуваат на големо зголемување на невработеноста во тој сектор и бараат зголемување на платата за 100 проценти. Тие исто така сакаат владата да размисли за намалување на ДДВ-то за угостителските услуги, одложување на доспеаните кредитни обврски и други мерки што би и помогнале на угостителската индустрија да биде подготвена за периодот што ќе следи по кризата со корона.
Некои угостители најавија и тужби против владата поради нејасни регулативи поврзани со работата во угостителската индустрија.