Република Словенија се одзвала на барањето на Владата на Република Северна Македонија за хуманитарна помош преку механизмот на Европска Унија во рамки на цивилната заштита со цел спречување на ширење на болеста КОВИД 19.
Вчера, со специјален лет беше доставена хуманитарна помош во вредност од 110.000 евра.
На профилот на Твитер на Министерството за одбрана на земјата со пораки ,,ние сме НАТО, заедно посилни“, е објавено дека е транспортирана солидарната помош од солидарниот фонд на ЕУ.
Cooperation and #solidarity are vital in responding to #COVID19. 🇸🇮 sent our newest #NATO Ally 🇲🇰 assistance in form of personal protective equipement.#WeAreNATO #StrongerTogether https://t.co/cZ9ZbyxcRk
— Slovenia at NATO (@SloveniaNATO) April 4, 2020
Инаку ВМРО-ДПМНЕ и лидерот на партијата, Христијан Мицкоски, вчера оваа помош си ја препишаа како своја заслуга, а техничкиот министер за внатрешни работи, Наќе Чулев, сам да ја пречека на аеродромот.
Во пораката објвена на социјалните мрежи тој му се заблагодари на Мицкоски затоа што, како што тврдат, ден претходно разговарал со премиерот Јанез Јанша, што според нив, резултирало со оваа хуманитрнаа пратка.