Експертите во Грција ја проценија границата на позитивни од коронавирус туристи од странство што оваа земја може да ја прифати на дневна основа.
Тестирањето спроведено од грчкиот Институт за јавно здравје на десетици влезни порти се заснова на алгоритам што зема предвид каде се наоѓал секој патник во последните 14 дена, како и дали поминале низ „црвените“ области.
Случајното тестирање кај патници од земји со низок епидемиолошки товар се смета за безбедна практика затоа што статистичкиот ризик од увезени случаи е помал. Сепак, тоа не се однесува на земји со загрижувачки епидемиолошки податоци, посочуваат грчките медиуми.
Ако, на пример, има двајца во група туристи кои не биле испитани и ја преминале границата, потенцијалниот ризик да се зарази е статистички „прифатлив“. Но, ако има десетици позитивни позиции во групата и половина од нив поминуваат без тест, тогаш ризикот од ширење на вирусот е многу поголем.
Големиот удел на „позитивни“ патници во однос на вкупниот проток од одредена точка на влез ја зголемува веројатноста дека ќе поминат значително поголем број на автомобили и автобуси низ целата земја, а типичен пример за тоа е преминот Промахонас, за кој се најавени итни мерки.
– Поради високиот процент на позитивни туристи, има многу кои не беа ни тестирани и тоа предизвикува загриженост – вели Димитрис Параскевис, вонреден професор по епидемиологија на Медицинскиот факултет во Атина.
Како што велат, прифатливиот лимит е еден позитивен на 1.000 туристи, но на преминот Промахонас тој број беше далеку поголем.
Затоа се воведени итни мерки за овој граничен премин, така што сите што ќе се упатат кон него од 15 до 29 јули ќе треба да имаат негативен ПЦР тест.
Прифатливиот дневен лимит за Грција е околу 20 до 25 увезени случаи. Сè што е над тоа, претставува ризик за јавното здравство на Грција.