Затворениот лидер на руската опозиција Алексеј Навални е префрлен од неговата затворска единица на непозната локација, соопшти денеска неговиот сојузник Леонид Волков.
– Не знаеме каде е сега Алексеј и во кое затворско одделение го носат – објави Волков на Телеграм, пренесува „Ројтерс“.
Алексеј Навални беше уапсен во јануари 2021 година, кога се врати од лекување во Германија, бидејќи претходно беше отруен со нервен агенс, за што ја обвини Москва.
Властите рекоа дека тој ја прекршил тригодишната условна казна затоа што поминал шест месеци во странство.
Во март оваа година, тој беше осуден на девет години затвор во одвоен случај, тврдејќи дека ги измамил своите приврзаници барајќи донации од нив за да се кандидира за претседател, иако знаел дека претходната пресуда го дисквалификувала да биде претседател.