Во организација на Министерството за правда, во Клубот на пратениците, попладнево, се одржа состанок на работната група за измени на Изборниот законик, на кој присуствуваа претставници на СДСМ, ВМРО-ДПМНЕ, ДУИ, Алијансата за Албанците, Беса, Алтернативата, Левицата, ВМРО-Народна партија, ЛДП, ДОМ, Демократскиот сојуз, како и министерот за правда, Бојан Маричиќ, и министерот за внатрешни работи, Оливер Спасовски.
На првиот состанокот, кој помина во конструктивна атмосфера, се отворија политичките прашања во однос на изборните модели и можните измени. Сите претставници ги изнесоа своите ставови, предлози и размислувања за измените.
Договорено е овие разговори да продолжат следната недела, а на нив да бидат поканети и парламентарните партии на помалите етнички заедници.