Советот за безбедност на ОН одржа итен состанок поради конфликтот во Газа

од Stefanija Kuzmanovska

Советот за безбедност на ОН во понеделникот одржа итен состанок на кој разговараше за ситуацијата во Појасот Газа, а неколку членки изразија загриженост поради кревкото примирје меѓу Израел и палестинскиот исламски џихад, по тридневните израелски воздушни напади на територијата, пренесува „Ал Џезира“.

Во видео обраќањето на почетокот на состанокот, претставникот на Обединетите нации (ОН) за Блискиот Исток, Тор Венесланд, истакна дека продолжувањето на непријателствата ќе има „погубни“ последици.

Рускиот амбасадор Василиј Небензја истакна дека Советот е „длабоко загрижен за развојот на настаните кои би можеле да доведат до обновување на воен конфликт од целосен обем и дополнително влошување на и онака тешката хуманитарна ситуација во Газа“.

Слични содржини