Федералната полиција на Ирак откри во западниот дел на Мосул сметководствени книги, во кои се опишани платите кои ги примале обезглавувачите на “Исламска држава” во 2016 година. Увид во уникатниот документ има Sputnik Arabic.
Од него, станува јасно дека “платата” на еден бандит зависи од семејниот статус. Најмалку пари добиваат ергените – 75 долари (95.000 ирачки динари). Дел од парите – 40 долари, одат за производи, а на рака терористот добива 32 долари.
Некој си Абу Џана од баталјонот на ат Тарамзи кој има жена и три деца, добил 184 долари, а Абу Насеру кој имал жена и шест деца – 256 долари. Извор од Мосул соопшти за Агенцијата дека во зависност од околностите големината на платата може да биде различна, но генерално се почитуваат начелата и таа да е обврзана со бројот на сопругите и децата. Притоа износот никогаш не надминува 300 долари.
Од зборовите станува јасно уште дека на зголемувањето на платата “уживале” демобилизирани инвалиди, настрадани од ударите на меѓународната коалиција или во терористички напад со автомобили-бомби.
Друг извор на Sputnik Arabic раскажува дека бандитите, кои заминале во Турција пред почетокот на операцијата за ослободување на Нинава, се лишени од сите плати поради економската криза во организацијата.
Финансиските проблеми за бандитите започнале по загубата на контролата над нафтените наоѓалишта во Ал Кајара во октомври минатата година.
Терористите на менаџерски позиции добивале платата и пари од продаденото од ограбените предмети од домови имот. Луѓе, со менаџерски позиции во организацијата, пак земале од 500 долари нагоре.