Неверојатната состојба на граничниот премин „Промахонас“ ги принуди властите да ја отворат границата за заглавените српски државјани и покрај тоа што Грција ја затвори границата со Србија утрово во 6 часот.
Грчкиот портал Newsit контактирал со царината на „Промахонас“ и дознал дека оние српски државјани кои чекаат во линија, нормално, ќе ја преминат границата со Грција, и за тоа биле информирани усно.
Стотици граѓани чекаат на граничниот премин уште од раните утрински часови, кои со часови се заробени на границата меѓу Грција и Бугарија.
Редиците се огромни, затоа што има и граѓани од други земји чии граници се отворени, така се создаде општ хаос, пишува овој портал.
Како што е објаснето, граѓаните на Србија го блокираа преминот, кој е отворен за граѓаните на ЕУ, така што службените лица, поради настанатата ситуација, утрово решија да им дозволат да ја преминат границата малку пред седум часот.
Одлуката да се затвори грчката граница со Србија во шест часот наутро и српските граѓани да не минуваат преку Промахонас, е донесена, но тоа сè уште не се случило, како што беше потврдено од српски граѓани, кои известуваат на социјалните мрежи дека го поминале овој премин и по шест часот.
Туристите, кои по решението да се затвори границата за Србите, заминаа за Грција вчера, беа сретнати вечерва на влезот во Грција од огромна колона во која чекаа со часови. Иако многумина од нив не успеаја да влезат во Грција до 6 часот утрово, грчката полиција не ги врати, а сите оние што се случи да бидат на преминот во тоа време, беа пуштени во Грција околу 9 часот наутро. После тоа, границата е целосно затворена за туристи од Србија, напишано е на страницата „Grckainfo“ на Фејсбук.