Србија: 290 нови случаи на коронавирус, 3 лица починале

Според официјалните податоци, во последните 24 часа три лица починале како резултат на коронавирусот во Србија, така што вкупниот број на жртви е 7.108, објавено е на веб-страницата на Министерството за здравство.

Од последниот пресек на ситуацијата во Србија, 10.446 лица биле тестирани на коронавирус, од кои 290 биле новозаразени, пренесе Н1.

Има 11 пациенти на респиратори.

Вкупно хоспитализирани се 341 лице.

Од почетокот на епидемијата, во Србија официјално се потврдени 720.643 случаи на инфекција.

Стапката на смртност е 0,99 проценти.

До 15 часот на 27 јули 2021 година, во Србија беа тестирани вкупно 4.634.126 лица кои ги исполнија критериумите за дефиниција на случај.