Србија: Пристигнуваат 20 дози од вакцината „Спутник 5“ на лабораториска контрола

од Nikola Popovski

До крајот на оваа недела, 20 дози од руската вакцина „Спутник 5“ ќе пристигнат во Србија на лабораториска контрола, најави министерот за индустрија и трговија на Руската Федерација, Денис Мантуров, во разговор со премиерката на Србија Ана Брнабиќ, соопштила Владата на Србија.

Брнабиќ и Мантуров разговарале за време на видео конференцијата, а рускиот министер ја информирал српската премиерка за производството на руската вакцина против коронавис.

Брнабиќ изјавила дека Владата на Србија, заедно со претседателот на републиката, работи на тоа вакцината против Ковид-19 да биде достапна што поскоро на српските граѓани ѝ посочила дека целта е граѓаните да изберат која вакцина ќе ја примат, во согласност со препораките и одобренијата на здравствените установи.

Според неа, Србија е заинтересирана да ја разгледа можноста за заедничко производство на вакцина против коронавирус.

loading...

Слични содржини