121
Србија “тивко” го признава Косово како независна држава , соопшти советник на косовскиот претседател Хашим Тачи, цитиран од МИА.
Целосното нормализирање на односите меѓу Косово и Србија, исто така, значи заемно признавање , кое веќе е направено и треба само да се формализира, истакна Арјдан Арифај.
“Одлуката е да се нормализираат односите меѓу Косово и Србија , да се помират и меѓусебно да се признаат”, рече Арифај во интервју за косовските медиуми.
Според советникот на Тачи, “тивокото” признавање на Косово од страна на Србија е веќе добро познато.
“Земјите само учествуваат во дијалогот за признавање на независно Косово од Србија де јуре и де факто. Се разбира, Србија треба официјално да го признае Косово”, истакна тој.