Србија во жалост: Вучиќ упати сочувство по повод смртта на Иринеј

од Stefanija Kuzmanovska

Претседателот на Република Србија, Александар Вучиќ, денеска испрати телеграма со сочувство до Светиот архиерејски синод на Српската православна црква по повод смртта на Неговата Светост српскиот патријарх г. Иринеја.

„Во име на граѓаните на Република Србија, како и од мое лично име, изразувам искрено сочувство по повод смртта на Неговата Светост српскиот патријарх г-дин Иринеј. Денес тагува цела Србија. Почина нашиот патријарх, тивок и мирен, добар и мирољубив човек, наш одговорен духовен пастир. Почина човекот како кого сите би сакале да бидеме и како верата нè учи да бидеме“, рече Вучиќ.

„Големите луѓе не владеат, тие служат. Нивниот избор не е која било страна, туку целата нација. Тие се трпеливи со сомнежи, смирени во напнатост и мирни во секоја поделба и разлика. Бавни на зборови и брзи во добрина. И кога не ги гледаме, знаеме дека ги има, ја чувствуваме силата на нивната припадност кон семејството, татковината и нивната вера“, изјави Вучиќ.

Според информациите од Патријаршијата на Српската православна црква, останките на патријархот ќе бидат изложени во катедралната црква во Белград денес, а утре ќе бидат пренесени во црквата Свети Сава. Погребот ќе биде во недела во Храмот, а планот е да се прогласи тридневна жалост за смртта на поглаварот на Српската православна црква.

Слични содржини