Новак Ѓоковиќ со своето присуство на пријателскиот натпревар меѓу Словенија и Србија, кој се одигра во Стожице, предизвика голем ентузијазам, а од него не можеше да побегне ниту Лука Дончиќ.
Словенците победија против тимот на Светислав Пешиќ со резултат 97:92 по продолжение со одличната игра на ѕвездата на Далас Маверикс, која постигна 34 поени и го предводеше својот тим до победата.
Еден од најдобрите светски кошаркари и прва ѕвезда на словенечката репрезентација ја искористи можноста по последниот звук на сирената да разговара со Новак, а колку тоа му значеше се гледаше од однесувањето на Дончиќ.
Младиот Словенец постојано се смешкаше, а набрзо социјалните мрежи беа преплавени со фотографии од нивната средба.
Видеото беше споделено на официјалниот Твитер профил на словенечката кошаркарска репрезентација.
Just @DjokerNole and @luka7doncic sharing some thoughts. 🔥 pic.twitter.com/GcOXjzgIEM
— Košarkarska zveza SIovenije (@kzs_si) August 17, 2022