Српска пратеничка: „Ме прашаа како може да се продолжи мандатот на Вучиќ доживотно“

од Stefanija Kuzmanovska

Се уште се зборува за излагањето на пратеничката Драгиња Влк од Српската напредна партија (СНС) во Народното собрание на Србија. Имено, пратеничката изјавила дека е презадоволна од начинот на кој претседателот Александар Вучиќ ја води државата и дека била прашана како може да му биде продолжен мандатот, и тоа доживотно.

„Безброј мои пријатели и роднини велат дека се крајно задоволни од обраќањето на Вучиќ и всушност ме прашаа како може да се продолжи мандатот на претседателот да владее доживотно“, рекла Драгиња, а присутните во собранието се насмеале.

Шефот на собранието Ивица Дачиќ ги опоменал останатите пратеници.

„Што е смешно?“, прашал Дачиќ сериозно, а Влк продолжила: „Па, не знам што е смешно, мислам дека лековите попуштија!“.

Слични содржини