Српски научник открива зошто сака да прими различни вакцини

од Nikola Popovski

Најдобро би било доколку во третиот круг на вакцинација, што сигурно ќе следи наесен, да добиеме вакцина направена на различна платформа од онаа што веќе ја добивме, бидејќи на тој начин ќе го шириме нашиот имунолошки одговор на вирусот, рекол денес српскиот микробиолог и професор на Медицинскиот факултет во Крагуевац, Дејан Баскиќ.

„Се вакцинирав со„ Фајзер“ како и повеќето здравствени работници, но би се вакцинирал со кинеска вакцина. Таа иако е поспора, покажа дека му треба повеќе време за да создаде заштита, но кинеската вакцина го содржи целиот мртов вирус и развива имунолошки одговор на сите компоненти на тој вирус, не само на познатиот С протеин, вакцината Фајзер мојот имунолошки систем го подготви само за С протеинот“, рекол Баскиќ за ТВ К1.

Тој додал дека веќе постојат студии кои покажуваат дека кинеската вакцина има подобра одбрана од новите соеви на вирусот, поточно од бразилскиот сој.

„Најдобро би било да се прими вакцина која е направена на друга платформа во третиот круг на вакцинација наесен. Така го прошируваме нашиот имунолошки одговор за да биде подобар“, рекол професорот, кој го водел истражувањето во Крагуевац за ефектите од вакцинацијата.

Врз основа на прелиминарните резултати од тоа истражување, тој заклучил дека секоја вакцина е добра, и дека граѓаните не треба да размислуваат дали да се вакцинираат или не.

Слични содржини