Поранешниот претседател на Реал Мадрид, Рамон Калдерон е убеден дека голгетерот на Баерн Минхен, Роберт Левандовски е втор избор за „белите“.
Како што е познато, полскиот снајперист е поврзуван со европскиот шампион веќе доста време. Тој ги негира гласините дека сака по секоја цена трансфер на стадионот „Сантијаго Бернабеу“, но според многумина експерти, се надева дека ќе го смени тимот на крајот на сезоната.
„Левандовски е играч кој секогаш влегувал во плановите на Реал. Но тој не е прв избор, најмногу поради неговата возраст – во август полни 30. Прв избор е Хари Кејн, кој има 24 години. Но, ако работите со англичанецот не излезат според планираното, Реал ќе се проба за Левандовски“, вели Калдерон за весникот „Билд“, кој беше на чело на кралскиот клуб од 2006 до 2009 година.