Ставен под контрола пожарот кај делчевско Разловци

Локализиран е пожарот кој денес околу пладне избувна кај месноста Лаката во атарот на делчевското село Разловци, во близина на истата локација каде пред околу две недели делчевските пожарникари гасеа друг пожар. Во настанатиот пожар е изгорена поголема површина претежно со нискостеблеста вегетација.

-Веднаш по дојавата за пожарот од страна на жители, со едно возило и четворица пожарникари интервениравме кај месноста Лаката. Навремената интервенција придонесе пожарот да не се прошири во блиската околина. Пожарот е ставен под контрола, информираа од ТППЕ Делчево.