Нема сомнение дека крајната цел на заговорот против претседателот на Србија, Александар Вучиќ, беше насилното преземање на власта и државата! Криминална операција од тој обем не би била можна без поддршка од некој од самиот врв на државата и верувам дека секој што учествувал во тоа ќе заврши во затвор! Ова го изјави Небојша Стефановиќ, поранешен министер на полицијата и сегашен министер за одбрана, во изјава за „Информер“ за првпат по апсењето на кланот на Вељко Беливук и официјалната потврда дека претседателот Вучиќ и членовите на неговото семејство биле незаконски прислушувани и следени.
Стефановиќ, за кого поединци јавно се сомневаат дека тој самиот учествувал во заговорот, вели дека најважно истрагата да се доведе до крајот.
„Очекувам резултати“
Според него, многу е важно државата да го открие и запре заговорот, чија цел била насилното преземање на власта.
– Добрата вест е што беше спречено загрозување на животот на претседателот на Републиката и членовите на неговото семејство, што очигледно беше планот. Таква крупна криминална акција немаше да биде можна без директна или индиректна поддршка од некој од самиот врв на државата, било тоа да е владата или врвот на судството. Не треба да се изненадиме ако во продолжението на кривичната постапка се покаже дека луѓе од самиот врв на државата биле на страната на мафијата во обид да ја соборат владата. Како некој што добро ја познава професионалноста и моралните квалитети на огромното мнозинство членови на нашите безбедносни и правдни служби, убеден сум дека нивната работа ќе донесе резултати многу брзо и дека сите што учествуваа во овој мрачен потфат ќе бидат зад решетки долги години – навел Стефановиќ.