Стејт департмент: САД се надеваат на продолжување на преговорите со Русија

од Vladimir Zorba

САД се надеваат дека преговорите со Русија за безбедноста ќе продолжат, изјави портпаролот на американскиот Стејт департмент, цитиран од „Њузвик“.

„Се надеваме дека овие разговори ќе продолжат, но ако Русија се повлече од масата, ќе биде јасно дека тие никогаш не биле подготвени да се ангажираат“, додаде портпаролот, пренесе ТАСС.

„Во сето ова, ние тесно ќе работиме со нашите сојузници и партнери и тоа ќе продолжи и во деновите и неделите што следат“, истакна тој.

„Следните денови ќе бидат подобар показател дали Русија е навистина заинтересирана за дипломатија, дали е подготвена сериозно да преговара со добра волја или ќе ги искористи разговорите како изговор да тврди дека дипломатијата не може да ги исполни нивните интереси“, додаде функционерот, цитиран од Танјуг.

Според него, американскиот претседател Џозеф Бајден јасно ставил до знаење дека доколку Русија одлучи да ја продолжи конфронтацијата, САД и нивните сојузници во НАТО ќе наметнат значителна и сериозна економска штета на руската економија.

Можните мерки вклучуваат воведување економски санкции, обезбедување дополнителна воена помош за Киев и „воспоставување“ на источното крило на НАТО.

„Се подготвуваме за сите непредвидени ситуации, како што тоа го правиме со недели“, додаде портпаролот.

Слични содржини