113
Стејт департментот ја поздрави вечерашната најава за потпишување договор со кој ќе се ослободи извозот на жито од опколените пристаништа на Црното Море, пренесува Ројтерс.
Стејт департментот додава дека Русија ќе биде одговорна за спроведувањето на договорот.
Малку порано од кабинетот на турскиот претседател Реџеп Таип Ердоган соопштија дека утре во 15 часот и 30 минути претставниците на Русија, Украина и Турција ќе се сретнат во Истанбул за да потпишат договор за предлогот на Обединетите нации, со кој би се ослободил извозот на жита од опколените црноморски пристаништа.
Генералниот секретар на ОН, Антонио Гутереш ќе присуствува на настанот во друштво на Ердоган.