Стивен Сегал снима документарен филм за војната во Донбас

Американскиот актер Стивен Сегал снима документарен филм за ситуацијата во Донбас, изјави лидерот на самопрогласената Доњецка Народна Република, Денис Пушилин, по средбата со Сегал.

„Да, тој снима документарец за војната во Донбас. Денеска разговараше со воените затвореници во притворскиот центар Јеленовка. Некои од затворениците беа убиени неодамна во ракетен истрел од украинска страна“, наведе Пушилин на својот канал на Телеграм, објави ТАСС.

Американскиот актер Стивен Сегал го посети Донбас заедно со Леонид Слуцки, лидерот на Либерално-демократската партија на Русија (ЛДПР), кој е директор на меѓународниот комитет на руската Државна дума.