Новиот бугарски министер за надворешни работи, Светлан Стоев денес соопштил дека Бугарија останува отворена за отворен дијалог и соработка со С. Македонија, но дека сите состаноци и средби мора да се одржат под посебни и одредени услови, објави бугарската агенција БГНЕС.
„Република Северна Македонија предложи да се одржи телефонски разговор меѓу двајцата министри за надворешни работи и тој ќе се спроведе веднаш штом ќе дозволи програмата и распоредот на министерот Стоев“, се вели во соопштението на тамошното Министерство за надворешни работи.
Според нив, Бугарија отсекогаш била и останува отворена за отворен дијалог и соработка со С. Македонија.
„Може да се одржи меѓувладин состанок кога се исполнети потребните предуслови и услови. Одржувањето состанок во таков формат мора да биде полн со содржина. Во оваа смисла, потсетуваме дека годишниот извештај за работата на заедничката мултидисциплинарна експертска комисија за историски и образовни прашања треба да биде усвоен на претстојниот меѓувладин состанок. Ја користиме приликата да потсетиме дека министерот Стоев при стапување на должност рече дека бугарската страна останува отворена за дијалог, а привремената влада не е овластена да ја менува рамковната позиција на Бугарија, што беше усвоено со консензус од сите политички сили во Парламентот, се потенцира во изјавата на бугарското Министерство за надворешни работи.