Генералниот секретар на НАТО Јенс Столтенберг изјави во Истанбул дека Финска и Шведска ги исполниле условите за приклучување кон Северноатлантската воена алијанса, иако Турција, која го условуваше приемот на двете земји, рече дека се уште не е можно да се процени дали јулскиот договор со Хелсинки и Осло во целосно исполнети.
Столтенберг се сретна со шефот на турската дипломатија Мевлут Чавушоглу и на заедничка прес-конференција оцени дека Шведска и Финска се подготвени за членство во НАТО, пренесува Дојче веле.
Според него, двете нордиски земји ги исполниле барањата на Турција и со тоа го отвориле патот за нивен прием во Алијансата.
„Време е да ги поздравиме Финска и Шведска како членки на НАТО“, рече Столтенберг, додавајќи дека „во овие опасни времиња, особено е важно да се финализира нивниот прием, за да се спречат какви било недоразбирања или погрешни пресметки во Москва“.
Кога Финска и Шведска решија да побараат прием во НАТО поради нападот на соседна Русија врз Украина, Турција беше единствената членка на Алијансата која експлицитно се спротивстави на тоа, а турскиот претседател Реџеп Таип Ердоган ги обвини властите во Хелсинки и Осло дека ги штитат курдските борци дека Анкара ги смета за „терористи“.
Столтенберг оцени дека и Шведска и Финска ги исполниле своите обврски од јунскиот договор, вклучително и оние поврзани со екстрадиции и размена на информации.
Шефот на турската дипломатија Чавушоглу беше малку порезервиран и рече дека Стокхолм навистина презел чекори како што е отстранување на ограничувањата за продажба на оружје за Турција, но додаде дека „не може да се каже“ дека јулскиот договор е целосно спроведен.
Чавушоглу предупреди дека промените мора да станат трајни и дека Шведска не смее да се откаже од нив откако ќе се обезбеди нејзиниот влез во НАТО.
„Не е нашата намера да му наштетиме на НАТО или да го блокираме неговото проширување… Сакаме да видиме конкретни чекори“, рече Чавушоглу.