Норвешката полиција соопшти дека на крајбрежјето на таа земја е пронајдено тело на дете, исчезнато дете од 15 месеци, кое почина во Ла Манш минатата година, пишува Би-Би-Си.
Момче по име Артин загина во октомври заедно со четворица членови на неговото семејство кога потона бродот со кој патуваа.
Курдско-иранско семејство се обидуваше да стигне до Велика Британија од Франција.
Роднините на семејството рекоа дека биле загрижени и збунети додека чекале да слушнат што се случило со Артин.
Сега телото на детето ќе биде пренесено назад во Иран за погреб.
Норвешката полиција објави дека телото е пронајдено на новогодишната ноќ на југозападниот брег на таа земја во близина на Кармој.
После тоа, направен е ДНК профил и семејството е известено дека станува збор за Артин.
„Квалификувани експерти од Одделот за форензички науки при Универзитетската болница во Осло беа во можност да ги пронајдат соодветните ДНК профили“, се вели во полициското соопштение.
Бродот со кој се превезуваше семејството потона на 27-ми октомври. Убиени се Расул Иран-Неџад (35), Шива Мохамад Панахи (35), Анита (9) и Армин (6).
Семејството било од градот Сардашт во западен Иран, во близина на границата со Ирак.
Петнаесет други мигранти беа пренесени во болница, а францускиот јавен обвинител отвори истрага за потонувањето во Данкирк.
Илјадници иранско-курдски бегалци го ставаат животот на нивните семејства во рацете на шверцерите и секоја година одат во Европа.
Курдскиот регион во Иран се соочува со политички прогон и големи економски разлики.
Помеѓу 25 и 35 милиони Курди живеат во планински регион „прошаран“ со границите на Турција, Ирак, Сирија, Иран и Ерменија.
Тие ја формираат четвртата по големина етничка група на Блискиот исток, но никогаш не добија трајна национална држава.