Луис Суарез повеќе не е член на Барселона! Така барем тврди станицата „RAC1“, која наведува дека уругвајскиот напаѓач добил чисти документи и ќе може без проблеми да потпише со кој било клуб!
Сепак, наводно Барселона ќе треба да му исплати дел од платата од 24 милиони што требаше да ја добие во последната година од договорот. И тој висок приход е една од причините зошто Барса сакаше да се откаже од Суарез, кој полека влегува во доцните години на играње (во јануари наполни 34 години).
Главен кандидат да го привлече е Атлетико Мадрид, кој работи напорно да го пушти Алваро Мората да замине во Јувентус. Прво на позајмица од 10 милиони, па уште 45 следното лето ако Шпанецот го задоволи Андреа Пирло.
Што се однесува до Суарез, тој помина шест години на „Ноу Камп“ и за тоа време стана трет стрелец во историјата на клубот со 198 погодоци.