Некои глобални компании, вклучувајќи ги Мекдоналдс, Кока-Кола, Ауди и Фолксваген, ги изменија логоата за да ја истакнат важноста на изолацијата и социјалното растојание во борбата за намалување на ширењето на коронавирусот.
Во својата реклама во Бразил, Мек Доналдс ја подели буквата „М“ на своето лого и објави ваква реклама на својата страница на Фејсбук.
Кока-колата ја прикажа својата прилагодена реклама со соодветна порака на њујоршкиот Тајмс Сквер, пренесува „Russia Today“.
Две автомобилски компании од ист сопственик, Ауди и Фолксваген, создадоа нови логоа, кои ги споделија на социјалните мрежи.
Ауди објави кратко видео во кое се разделуваат четирите круга, додека Фолксваген објави слично видео со посебни V и W.
Stay at home, keep your distance, stay healthy, support each other – we are in this together. As a global company and a global community, our highest priority is to identify any opportunities to #FlattenTheCurve. Stay safe. pic.twitter.com/uwsW2JbhEu
— Audi USA (@Audi) March 20, 2020
„Во самоизолација“ е и познатиот лик на налепницата за банани.
Се разбира, логоата на овие компании на самите производи остануваат исти како порано, а се модифицирани само за да ја истакнат важноста за почитување на социјалната дистанца.