СВР – Струмица преку соопштение објави демант на информациите објавени во одредени медиуми дека на градоначалникот на општина Василево, Марјан Јанев и на уште едно лице им е одреден притвор за наводен изборен поткуп.
„Во однос на изнесените вести на одредени веб портали дека е определена мерка притвор за лицето М.Ј. и за уште едно лице од општина Василево, ве известуваме дека таква мерка „притвор“ не е определена спрема посочените лица, туку на истите им е врачена покана заради обавување на разговор и давање потребни известувања“, стои во соопштението на СВР-Струмица.
Од струмичката полиција апелираат до медиумите да не изнесуваат невистини, особено во период на предизборен молк, а за сите потребни информации стојат на располагање на медиумите.