238
Земјите кои нарачуваат вакцини да дадат трета доза на веќе вакцинираната популација не треба да го прават тоа се додека имаме земји во кои граѓаните не ја примиле ниту првата доза на вакцината, соопшти Светската здравствена организација (СЗО) во понеделникот.
Генералниот директор на СЗО Тедрос Аданом Гебреизус предупреди дека смртноста од КОВИД-19 повторно расте, дека делтата варијантата на коронавирус станува доминантна и дека многу земји сè уште не добиле доволно дози на вакцини за да ги заштитат своите здравствени работници, пренесува „Танјуг“, повикувајќи се на „Ројтерс“.
Тој потсети дека делта сојот, многу позаразна варијанта што прв пат беше откриен во Индија, сега се шири во 104 земји.