Пандемијата на коронавирус може да се влоши доколку сите нации не се придржуваат кон основните здравствени мерки на претпазливост, предупреди денес Светската здравствена организација (СЗО).
„Дозволете ми да бидам отворен, премногу земји тргнаа во погрешна насока, вирусот останува јавниот непријател број еден“, рече генералниот директор на СЗО, Тедрос Аданом Гебрејесус, на виртуелен брифинг во седиштето на СЗО во Женева, објави Ројтерс.
„Доколку не се следат основните мерки, единствениот начин на кој ќе се одвива пандемијата е дека ќе биде полошо и полошо и полошо. Но, не мора да биде така“, рече Тедрос.
„Нема да се врати старата нормала во блиска иднина … Постојат многу работи за кои треба да се грижите“, посочи тој.
Но, постои патоказ за ситуација во која можеме да го контролираме вирусот и да продолжиме со нашите животи, рече Тедрос, пренесе Гардијан.
Сепак, фокусот ќе треба да биде на намалување на преносот, зајакната заедница и силното државно раководство, додаде тој.
„Тоа може да се направи, мора да се направи“, рече генералниот директор на СЗО.
„Јас веќе го кажав тоа и ќе продолжам да зборувам. „Без оглед каде земјата е на епидемиолошката крива, никогаш не е доцна да се преземе пресудна акција“, заклучи Тедрос.